Thursday, April 9, 2020

முடிந்தால் புரிய வை




















முடிந்தால் புரிய வை
உன்னையே நினைக்கும்
மனதுக்கு நினைக்காமல்
இருக்க சொல்லி...

முடிந்தால் புரிய வை
உன்னையே நினைத்து
துடிக்கும் இதயத்தை
துடிக்க மறந்து
உயிர் வாழும் வித்தையினை

முடிந்தால் புரியவை
எனக்கு மட்டுமே உரியவன்
இவனென்று எண்ணாமல்
இருப்பது எப்படி என்று...

முடிந்தால் புரியவை
நீயில்லாமல் இருக்கும்
தனிமையை எதிர்க் கொண்டு
மகிழ்வாய் இருப்பது சாத்தியத்தியமென்று...

காதல்



அவசரமாய் வேண்டும்

























அவசரமாய் வேண்டும்
அழுது புலம்ப
அரவணைத்து
ஆறுதல் பெற
அத்தனையும் கொட்டித் தீர்க்க
அன்னை மடியாய் ஓர் மடி....

நிம்மதியாய் உறங்கிய நாள்
நினைவில் இல்லை..
நினைவுகளைத் தவிர
நிஜமானதாய் எதுவுமில்லை
நித்தம் வரும் கனவுகளால்
நித்திரைக் கொள்ளவில்லை
நிதானமிழந்த மனம்
நிதர்சனம் புரிந்து
நிம்மதியின்றி தவிக்கிறது...

வயிறு நிறைய
ருசியாய் உணவும்
தலையணையாய் கைகளும்
முகம் புதைத்து அழ மார்பும்
உலத்தையே வென்ற திருப்தியாய்
நிம்மதியாய் கட்டியணைத்து
தூங்க
உண்மையாய் ஒர் இதயம் வேண்டும்

மார்பு முடிகளுக்கள் கைவிரல்
சிக்க வைத்து
விட்டு விலகி சென்றுவிடாத படி
இறுக அணைத்து
பெரும் துணை நீதானென்று
நிம்மதியாய் நீண்டதொரு உறக்கம் வேண்டும்

உண்மையாய் எனக்கே எனக்காய்
உண்மையான இதயம் வேண்டும்

தூரமாய்















எல்லாமுமாய் நீயென்றேன்
எதுவுமாய் நீயில்லையென
துடிக்க வைத்து
தூரமாய் வாழ்ந்து வருகிறாய்
உன் வாழ்க்கையை மட்டும்

Wednesday, April 8, 2020

ஒற்றை முத்தத்தில்























ஒற்றை முத்தத்தில்
ஓராயிரம் கவலைகளை
மறக்கிறேன்

கரம்பிடித்து
நடக்கையில்
உலகை திமிராய்
பார்க்கிறேன்...

தோள் சாய்கையில்
தோல்விகளைத்
துரத்துகிறேன்.....

என்னோடு நீ இருக்கையில்
என்னை நானே
இழக்கிறேன்..

வந்துவிடேன் ஒரு முறை























இத்தனை இருளைக் கண்டதில்லை
இமை உறக்கம் கொள்ளவில்லை...
சத்தமின்றி கதறுகிறது
நித்தம் உனைத் தேடுகிறது

விண்ணைத் தொடும் காதலில்
சுற்றித் திறிந்த நாளில்
பற்றும் கரம் தள்ளிவிட்டு
பறந்தெங்கோ சென்று விட்டாய்..

தேடியே செல்லும் நாள்கள் எல்லாம்
வருடம்தனை கடந்த போதும்
தீராத காதல் இன்னும் குறையவில்லை...

என்றாவது ஒரு நாள்
நிச்சயமாய் வருவாய் ?!!?
அந்நாளில்
மொத்தமாய்
வாழ்ந்து விடுவேன்....

காற்றே புகாதபடி
இதயம் அணைத்திடுவேன்..
இதழ் பறிமாற்றம் வேண்டாம்
இனியாவது இதயத்தை
பறிமாறிக்கொள் என
ஆணையிடுவேன்....

காமம் தேடும் உலகில்
காதல் தேடி அலைந்து
ஏக்கத்தோடு காத்திருந்த
நெஞ்சத்துக்கு
கன்னம் பற்ற
கதகதப்பான
உள்ளங்கை போதும்.....

முகம் புதைத்து அழ
அகன்ற உன் மார்பில்
இதுவரைக் கொள்ளாத
உறக்கம் வேண்டும்..

தலையணையாய்
உன் கைகளுக்குள்
உன்னைப் போர்த்தி
நான் உறங்க வேண்டும்...
வந்துவிடேன் ஒரு முறை .....



மறை (ற)ந்து விடுகின்றதே















எப்படி மறக்க முடிந்தது
உன்னால் மட்டும்...
மறக்க முடியாமல்
நினைவுகளை சுமந்து
பார்க்கும் இடமெல்லாம்
உன் வாசம் வந்து போக
கண்ணீருடன் காலத்தை
தொலைத்து கொண்டிருக்கிறேன்
உதித்த நொடியில்
மறையுமோ???
பூத்த நொடியில் வாடுமோ....
எனக்கு மட்டும்
எல்லாமே நொடியில்

மறை (ற)ந்து விடுகின்றதே

Tuesday, April 7, 2020

மற(றை)ப்பதற்க்காக

எதை எதையோ மாற்றி
எண்ணங்களை மாற்றி
எல்லாவற்றைறையும்
மாற்ற முயலுகிறேன்
மாற்றங்களுக்காக அல்ல
ஏமாற்றங்களை
மற(றை)ப்பதற்க்காக


"அந்த" நொடி

நீ நினைக்க மறந்த

"அந்த" நொடியில் தான்

ஒட்டுமொத்தமாய்

சிதைந்து போனது

என் நம்பிக்கை


Monday, January 16, 2017

சீக்கிரம் வந்துவிடு


கண்கள் உன்னை தேட
காணாது துடித்த கருவிழிகள்
கண்ணீரில் நனைய

கண் காண தூரத்தில்
கருமேகங்களுக்குள் நடுவே
கலையாத உன் நினைவு
வந்துவிடு

உன் தோளில் சாய்ந்து
சோகம் மறக்க
துடிக்கும் இதயத்தின்
துடிப்பை அறிய
சீக்கிரம் வந்துவிடு ♥

Sunday, December 21, 2014

கண்களால் கைது செய்து
இதயச் சிறையில்
அடைத்து விட்டாய்....
இறுதி வரை இருந்து விடுகிறேன்
ஆயுள் கைதியாய் ..

புதுக்கவிதை

கவிதை எழுதி
முடிக்க நினைத்து
முற்றுப் புள்ளி வைக்க
நினைக்கையில்
முத்தப் புள்ளியிட்டு
தொடங்கி வைக்கிறாய்
முடிவுறா
ஒருப் புதுக்கவிதையினை...