கவியின் கவிதைகள்

மறந்து போவாயோ

2012-01-02T21:32:00.002+05:30

வாசித்து பார்க்கிறேன்
உனக்காக நான் வரைந்த
கவிதையை

வாசித்து பார்க்கிறேன்
எனக்காக நீ வரைந்த
கவிதையை

வாசம் செய்தேன்
உன்னுள் நான் கவிதையாய்
என்னுள் நீ கவிதையாய்

மனதில் சிறு சலனம் இன்று
ஏன் இந்த இடைவெளி
தூரத்தில் இருந்தாலும்
நினைக்க வைத்தாய்
சில நொடிகள் துடிக்க வைத்தாய்

உன்னை நினைத்தே
என் நினைவுகள் சுழல
என்னை நினைக்காமல்
உன்னால் எப்படி இருக்கமுடிகிறது

உன் குரல் ஒலி
கேட்காத நாட்கள்
கூடிகொண்டே போக
மனதில் பாரம்
அதிகரிக்க
உன்னை நினைக்கும் பொழுதினில்
தானாக ஒலிக்கும்
என்றோ நீ பேசிய வார்த்தைகளின்
ஒலிப்பதிவு என் இதயத்தில்

உன் கொஞ்சல் வார்த்தைகளில்
வாழ்ந்து விட்டேன் உன்னோடு
கொஞ்சம் நீ மௌனித்திருந்தால்
தாளாத துன்பம் என்னோடு....

மறந்து போவாயோ
மறப்பதாய் இருந்தால் சொல்லிவிடு
மறைந்து போகிறேன்
உன்னை மறந்து அல்ல
உன் கண்ணைவிட்டு
மறைந்து போகிறேன்

என் வசம் இல்லை

2012-01-02T21:25:00.001+05:30

எனக்காக இதயம்
உனக்குள் துடிக்க
தனியாக துடிக்க
இன்னொரு இதயமோ.??

உனக்குள் இருக்கவே
என் மனம் ஏங்க
வேண்டாம் இதயம் என்னுள்...

உன் இதயத்தின் வேலையை
இருமடங்காக்கி விட்டேன்
எனக்கு சேர்த்து துடிக்கும்
நம் இதயத்திற்கு
என் முத்தத்தை சத்தமாக்கி
விடவா?

எனக்காக நீ அங்கே துடிக்க
உனக்காக இங்கே
உயிர் வாழ்கிறேன்
உன்னை நினைத்து...

உன் இதயத்துடிப்பின்
ஓவ்வொருத் துடிப்பிலும்
என் காதல் உயிர் வாழ
காதலோடு காத்திருக்கிறேன்
உன்னோடு வாழ...

ஒரு நாள் ஏனும் உன்னோடு
உனக்காக உன்னவளாய்
உன் மடியில் உறங்கிடும்
வரத்தை தந்து விடு ..

உன் கரங்கள் எழுதும்
கவிதையாய் என்னை மாற்றிவிடு
உனக்குள் நான் இருப்பதை போல
எனக்குள் நீ வந்துவிடு..

வாழ்நாள் முழுதும்
உன்னோடு தொடர துடிக்கிறேன்
வாழும் காலம் வரை
உன்னையே நினைக்கிறேன்..

என் இதயமே
மௌனமொழி பேசி
என்னை வதைத்து விடாதே..
எல்லாவற்றையும்
தாங்கிக்கொள்ள
தற்போது என் இதயம்
என் வசம் இல்லை

இதயத்திற்கு நிரந்தரமாய்...

2012-01-02T21:20:00.004+05:30

முள்வேலிக்குள்
என் இதயம்...
நெருங்க முடியாதென்றேன்
ஆணவம் வேண்டாமடி
உன்னை அடக்க-என்
அரை நொடி பார்வை
போதும் என்றாய்..

இன்று வரை உன்னைக்
கண்ணோடு கண்ணாக
பார்க்க முடியாமல் நான்...

உனக்கே அறியாமல்
உன்னை ரசித்தேன்...
என்னை அறியாமல்
உன்னில் விழுந்தேன்..

நீ சொன்னது நிஜமோ??
சுட்டி இழுக்கும்
உன் பார்வை வலையில்
விழுந்துவிடக் கூடாதென
தினமும் ஒரு
முகத்திரை எனக்கு...

நீ பார்க்காமலே
உன் கண்களுக்குள்
கைதியாய் நான்...

நொடிக்கு ஆயிரம் வார்த்தை
பேசுபவள்- இன்று
உன் முன் மட்டும்
ஊமையாய் வார்த்தையின்றி
தவிக்கிறேன்..

தமிழில் அத்தனை வார்த்தையும்
எனக்கு மட்டும் அந்நியமாய்
போனதோ....

ஒவ்வொரு முறையும்
நீ என்னை அழைக்கையில்
என் பெயரைக் கூட ரசிக்க
தொடங்கிவிட்டேன்...
உன் உதடு பட்டு
அழகாய் போனது என் பெயர்...

காதல் வந்தால் கவிதை வருமாம் ??
பைத்தியங்களின் உளறலென
கேலி செய்து கிண்டல் அடித்து
அழவைத்து பார்த்தேன்
என் தோழிகளை...

இன்று உனக்காக கவி
எழுத நினைத்தபோது
வார்த்தை பஞ்சம் எனக்கு...

காந்த பார்வை நீ வீசுகையில்
இரும்பு முள்வேலிக்கூட
என்னாகும்...
என்னை அறியாமல்
என் இதயத்தை இழந்தேன்...

என்னை இடமாற்றம்
செய்து விடு..
உன் கண்களில் இருந்து
இதயத்திற்கு நிரந்தரமாய்...

என் "கவி"தைகள் காத்திருக்கும்

2012-01-02T21:06:00.003+05:30

உனக்காக கவி எழுதி
கண் அயர்ந்த பொழுதில்
கனவில் நுழைந்து
தூக்கத்தை கலைக்கும்
கள்வன் நீ ...

உயிராய் உன்னை நினைத்து
என்னுள் உன்னை சிறை வைத்து
நிஜமாய் என்னுடன் நீ இருக்க
நிழலைப் போல உன்னுள்
என்னை புதைத்துக்கொண்டு
சிலிர்த்து போகும் என் கனவுகளில்
மிதந்துகொண்டே
புல்லரித்து போகின்ற ரோமங்களும்
துடித் துடித்து தவிக்கின்ற இதயமும்
அமைதியாய் இருந்திட
அன்பாய் ஒரு வார்த்தை சொல்வாயா??

என் இரவுகள் எல்லாம் உன் கனவில்
என் தூக்கத்தை விரட்ட
என் பகல்கள் எல்லாம் உன் நினைவில்
துக்கத்தை தாங்கி செல்ல
மௌனமாய் நீ...

ஒவ்வொரு கனவிலும்
என் அருகே நீ இருக்க
முத்தம் கேட்டு இம்சிக்கும்
என்னை சலிக்காமல்
கொஞ்சும் உன்னை
அணைத்து துடித்து
நேசத்தை காட்டும் தருணத்தில்
கலைந்து போகும்
கனவை கொல்ல துடிக்கிறேன்
முற்று பெறாத கனவாய்
என் காதல்...

உனக்காக நான் எழுதும்
கவிதைகள் எல்லாம்
என் அருகே புத்தகமாய்..
பிழைத்திருத்த வசித்தபொழுது
கவியின் வரிகளில்
மயங்கி கனவுலகில் மிதக்க
உன் கவியை நீ படிக்கும் தருணத்தில்
நீயும் உணருவாய்
என் வரிகளின் வலிமையை..
வா கனவுலகில் கை கோர்த்து
காதல் கவிதை நிஜமாய் வரைவோம்

ஆயிரம் வார்த்தைகள் கொண்டு
கவி எழுதினாலும்
நீ சொல்லும் "ம்மா" என்ற
வார்த்தைக்கு ஈடாக
என் கவிதை வரி
அமைக்க முடியாமல்
வெக்கத்தில் நான்...

என் கனவுக் காதலனே
இனிக்கும் உன் நினைவுகள்
சிலிக்கும் என் கனவுகள்
கவியை படிக்க வந்துவிடு
கண்விழிக்கும் பொழுது
என் அருகில் நீ இருக்கும்
அந்நொடியில் என்னை மறக்க
காலம் முழுதும்
உன் கையில் கவிதை
புத்தகமாய் நான் இருக்க
தினம் ஒரு கவி படை(டி)த்திடு

உனக்காக மட்டும்
என் "கவி"தைகள் காத்திருக்கும்
என் காதலைச் சொல்ல

உன் அருகாமையால்

2012-01-02T21:03:00.002+05:30

உரிமை இல்லா உன்னிடம்
உரிமை கொள்ள நினைத்தேனோ
உள்ளம் உடைந்து போகிறேன்
அதிக பாசம்
அநாதையாக்கும் அறிந்தும்
பாசத்தை வைத்து
பரிதவிக்கும் உள்ளம்,,,

கைபேசி ஒலித்தால்
உன் அழைப்போ என
என் மனம் செல்ல
ஏமாற்றம் வந்து
கவ்விக்கொள்ள
சோர்ந்த முகத்தோடு
கைபேசியை அணைத்தே
பல இரவுகள் செல்லும்...

குறுஞ்செய்தி பலவந்து
குவியும்...
உன் ஒரு செய்திக்காக
என் மனம் அலையும்...

என்னை தவிர்த்து
நீ இருக்க
உன்னை நினைத்து
நான் தவிக்க
என் மனம் நீ
அறிய வாய்ப்பில்லை...

முள்ளாய் குத்தும்
வார்த்தைகளை கூட
மௌனத்தால்
என் கண்ணீரில் நானே
அழித்துக் கொண்டு
மீண்டும் உன்னை நாடியே
என் மனம் வர
என்னை பார்த்தும் பாராமல் நீ,...
அழவைத்து பார்க்கும்
உறவுகளுக்குள்
உன் அருகாமையால்
உள்ளம் மகிழ்ந்தவள்
இன்று உன் அருகாமை வரம்
வேண்டி காத்திருக்கிறேன்...

பாசத்தை எதிர் நோக்கி

2012-01-02T20:54:00.002+05:30

உள்ளுக்குள் அழுது
வெளியே சிரிக்கும் மனது
அறியாமல் நீ
புரியாமல் நான்

புறம்தள்ளும் உன்னை
அகம் வைத்ததால்
தாளாத இன்னல் என்னுள்..

வாட்டும் உன்னை
தேடும் மனது
ஏன் இந்த பாரபட்சம்

அணைக்காத கரையை
தொட்டு செல்லும் அலையாய்
உன்னை பார்த்து செல்கிறேன்
நீ பாராத போதும்

கண்ணீர் வந்து
கன்னத்தை முத்தமிட
கண்ணீரில் காலம் செல்ல
கடுகளவும் குறையில்லை
என் நேசம்...

உன்னை தேடும்
மனதை புரியும் நாள்
எப்போது??
புரியாமல் பாசம் வைத்ததால்
புரிய மறுக்கின்றாயோ??
காத்திருக்கிறேன்
உன் பாசத்தை எதிர் நோக்கி
பார்த்திருக்கிறேன்♥ ♥

உன் ஒருவனுக்காகவே...

2012-01-02T20:50:00.001+05:30

உன்னை நினைத்த
இதயம் இன்று
தனியே துடிக்க
காதலை சொல்ல
முனைந்த முயற்சிகளெல்லாம்
தோல்வியில் முடிய
சுவாசம் மறக்காமல்
உன்னை சுமந்த இதயத்தில்
இன்று ஏனோ சிறு பிளவு
உடைந்த போன இதயம்
தேடி துடிப்பது
உன்னை மட்டுமே

என்னை சுற்றி
வந்த உன்னை
பாராமுகமாய் இருந்ததால்
இன்று என்னை பார்க்காமல்
தவிக்க விட்டு
பாராமுகமாய்
இருப்பது முறையோ...

கோடி வார்த்தைகள்
நொடிக்கொருதரம்
பேசுபவள் இன்று
ஊமையாய்
உன் ஒரு வார்த்தைக்காக
காத்திருக்கிறேன்

முள்ளாய் உதிர்த்த
உன் வார்த்தையால்
கிழிந்த என் இதயம்
உதிரம் சிந்த
உதிர்த்து விடு
ஒரு வார்த்தையை ...

காதல் எனும் ஊசியில்
நேசத்தை நூல்லாக்கி
உன் தீண்டலை மருந்தாக்கி
கிழிந்த இதயத்தை தைத்து விடு..

கிழிந்த இதயம்
மீண்டும் துடிக்க நினைப்பது
உன் ஒருவனுக்காகவே....

ஏற்றுக்கொள்
என் இதயத்தை
காதலை காதலாய்
தருகிறேன்...
என்னை விட உன்னை
உண்மையாய்
காதலிக்க யாரால் முடியும்?? ♥ ♥♥ ♥

முத்தமொழிகள்

2012-01-02T20:40:00.003+05:30

எப்போதாவது
நீ தருகின்ற முத்தங்கள்
ஒவ்வொன்றும்
தித்திக்க
நித்தம் பெற வேண்டி
காத்திருக்கிறேன்
முற்றுபெறா ஏக்கத்தை
தீர்க்க என்னவனே
வந்துவிடு
உன் முத்தமொழிகள்
தேடி என் உதடுகள்
உலர்ந்து போய்
காத்திருகின்றது ♥ ♥♥ ♥

மரணத்திலும் மரிக்காத

2011-07-22T18:14:00.005+05:30

ஓயாமல் ஒலித்து நகரும்
நேரத்துளிகள் காலத்தை
கடந்து போகச்செய்ய
வேகமாய் துடித்துக்
கொண்டிருக்கும்
"இதயம்" ஒரு கணம்
நின்று விடுமோ என அச்சத்தில்
என் உள்ளம் துடிக்க
மரணத்தின் பயமோ
கருதவில்லை நான்....

மரணத்திலும் மரிக்காத
நினைவுகளாய்
காலம் கடந்தும்..
என் காலம் கடந்தும்
நீங்காது வாழும்
உன் நினைவுகள்
மட்டும் என்னோடு

உனக்குள் தொலைந்த
இதயத்தை தேட
உன் நினைவுகள்
சொந்தமாகி போனது

கண்ணீர் சிந்த

2011-05-19T19:00:00.003+05:30

என்னிடம் உனக்கு

காதல் இல்லை என்று

அறிந்த போது தான்

உன்னிடம் என் காதல்

அதிகமாகி போனதோ

சிரிப்பின் அர்த்தம் புரியவில்லை

நீ இருந்த போது

கண்ணீரின் அர்த்தம்

புரிந்தது

உன்னை பிரிந்த போது..

உன்னை நினைக்காமல்

இருக்க இயலாத

இதயத்தைப் போல

உன்னை பார்த்து செல்லும்

நொடிகளில் கண்ணீர் சிந்த

தவறுவதில்லை

விழிகள்....

உன்னை மறப்பதை

2011-05-19T18:44:00.005+05:30

நீ எனக்கு தந்த
அழகிய நினைவுகள்..
பேசி போன வார்த்தைகள்,
எழுதிய கவிதைகள்,
எல்லாமே எனக்காக..
எனக்காக மட்டுமே..

வானவில்லாய் வந்து
மறை(ற)ந்து போனாய்
இருளில் என் இதயம்....
ஏங்கும் மனது
தேடுவது உன்னையே..
எப்படி மறக்க
முடிந்தது உன்னால்??
எல்லாம் சொல்லி தந்த நீ
உன்னை மறப்பதை
சொல்லி தர மறந்தது ஏனோ...

எனக்காக அல்ல

2011-05-19T18:35:00.005+05:30

தொலைந்து போன
நிஜங்களை எல்லாம்
நினைவுகளாய்
என்னுள்

காற்றாய் நீ
காண முடிவதில்லை
என்னை தொட்டு செல்கையில்
உன்னை சுவாசித்து
உயிர் வாழ்கிறேன்

சுவாசித்து
உயிர் வாழ்வது
எனக்காக அல்ல
என் இதயத்தில்
இருக்கும் உனக்காக..

கேள்விக்குறியாய் நான்....

2011-04-30T14:56:00.001+05:30

தினமும் உன்னை
ஒரு முறையாவது
பார்த்து விட்டு செல்கிறேன்
தூரத்தில் இருந்து
பார்ப்பது கூட
சுகம் தான் எனக்கு...

புரிந்து இணைந்தோம்
புரியாமல் பிரிந்தோம்
தோல்வியில் துவண்ட
எனக்கு
தோள்சாய தோள் தந்தாய்
சாயும் வேளையில்
சொல்லாமல் ஏன் சென்றாய்....

தோல்வியை பர்க்கவிடின்
கதறி இருப்பேன்
தோல்வியே எனக்கு
சாபம் ஆனதால்
சலனம் இல்லாமல்
எல்லாமே என் மனதோடு
பூட்டினேன்
உன்னை என் மனதோடு
பூட்டினேன்....

சில நாட்களாய்
இருப்பினும்
சொர்க்க நாட்கள்..
உன்னை எனக்கு
சொந்தமாக்கிய நாட்கள்..

என் பெயரை நீ
உச்சரிக்கும் தருணத்தில்
எல்லாம் செத்து பிழைத்தேன்...
இன்று செத்துக்கொண்டிருகிறேன்
உன் குரல் கேட்காமல்...

நேசிக்கும் உரிமை தந்தாய்
நேசித்துக் கொண்டிருக்கிறேன்
இன்னமும்..
ஒரு முறை ஏனும்
என் நேசம் உனக்கு புரியாதோ????
உன் குரல் கேட்கும்
காலம் வருமோ??

காத்து கொண்டிருக்கிறேன்
காலம் வருமோ
தெரிய வில்லை
கேள்விக்குறியாய்
நான்....

சுவாசமாய் வருவாயா???

2011-03-25T20:57:00.002+05:30

நீ மௌனித்திருக்கும்
ஒவ்வொரு நொடிகளிலும்
சிந்தனை சிதைந்து
இதயம் நொறுங்கி
துடித்து பரிதவிக்கிறேன்
முத்தமொழிகள் பேசிய
உன் உதடுகள்
இன்று
மௌனத்தை தாங்கி நிற்க
வாய் மொழி கேட்காவிடினும்
உன் கை மொழி
காவியத்திற்காக
கலங்கிக் கொண்டு
காத்திருக்கும் பேதையாய் நான்...
மௌனத்தை பரிசளித்து
என் இதயத்திற்கு
இறுதி அஞ்சலி
செலுத்தி விடாதே
உன்னை எதிர் பார்த்தே
என் இதயம் துடித்து
உன் மூச்சுக்காற்றின்
தீண்டலுக்காக
சுவாசமின்றி துடிக்கும்
எனக்கு சுவாசமாய் வருவாயா???

காதலோட வாழ

2011-02-05T17:57:00.004+05:30

கவிதையில் நீ
"கவி" யாய் நான்..
கவிதைகள் அழகாகியது
கவியின் வரிகளிலும் நீ..
காதல் நரகம்,,
காதலை காணாதவரை..
கண்ட பின்பும் நரகம்
காத்திருக்க முடியாததால்..
காதல் வலியை தந்தாய்
காதலும் சுகமாய் போனது...
காத்திருக்க முடிவதில்லை
காதல் வேண்டுமா தெரியவில்லை...
கண்ணீரில்...
காதலோட வாழ உன்
காதலோட வாழ
கலங்கி கொண்டிருக்கிறேன்

தவிக்கும் இதயத்துள்

2010-12-26T17:05:00.002+05:30

தனிமை நெருப்பாய் சுட்டுவிட
தனிமையிலும்
தவறவில்லை உன் நினைவுகள்
தள்ளி நீ சென்றாலும்
தவிக்குது என் மனம்..
தடைகள் பல கடந்து
தன்னம்பிகையாய் நேசம் கொண்டேன்
தவிக்க விடுவாய் என அறியாமல்
தவித்து இருப்பது சுகமென இருந்தேன்
தலை கோதி நீ ஆறுதல் தரும்
தருணத்திற்காக...
தவித்திருக்கிறேன்
தனித்திருக்கிறேன் தினமும்
தலை கோத நீ இல்லை..
தவிக்க வைப்பதில் சுகமா உனக்கு...
தன்னம்பிக்கையை
தளர வைத்து விடாதே..
தவிப்பது என் மனம்மட்டுமல்ல
தவிக்கும் இதயத்துள்
துடித்து கொண்டு இருப்பது
நீயும் தான்....

பிரிந்த பின் என் பாசம்

2010-12-13T22:06:00.002+05:30

என் கண்ணீரை துடைக்கும்
கரங்களாய் வர வேண்டாம்
ஆறுதல் மொழி பேச
என் அருகில் நீ வேண்டாம்
துக்கம் மறந்து தோள் சாயும்
தோள்களாய் வர வேண்டாம்
நெஞ்சை வதைக்கும்
நினைவுகளாய் வர வேண்டாம்
என் கல்லறையில்
உன் கால் தடம் பதித்து விட்டு போ
என் நேசத்தின் ஆயுள் நீளும்
பிரிந்த பின் என் பாசம்
உனக்கும் புரியும்....

சொர்க்கத்தில்...

2010-11-29T16:23:00.005+05:30

நீ இல்லாத
என் வானம்
இருளில்..

ஏக்கங்கள்
எனதருகில்
சொந்தங்கள்
வெகு தொலைவில்..

நெஞ்சை கீறும்
முட்களாய்
உன் நினைவுகளால்
என் இருதயம் குருதியில்...

நீடிக்க வேண்டாம்
என் வாழ்வு
இந்நிலையில்..
வந்து முடித்து விடு
என்னை முடித்து விடு

வேண்டாம் என் வாழ்வு
நரகத்தில் ..
என் ஆசைகள்
நிறைவேறட்டும்
சொர்க்கத்தில்....

என் நேசத்தை

2010-10-22T15:34:00.003+05:30

என் நேசத்தை
உனக்கு உணர்த்த
என் மௌனத்தை தவிர
வேறு மொழி
என்னிடம் இல்லை...

உன்னை நேசிக்கும்
ஒவ்வொரு நொடிகளும்
கரைந்து போகாமல்
என்னுள்
உறைந்து போயின...

என் கன்னம் வருடி
என் கண் பார்த்து
நீ பேசும்
அந்த நொடி வேண்டும்
மறுபடியும்....

என் கண்ணீர் துடைக்கும்
உன் கரங்களுக்கு
முத்தமிட்டு மகிழும்
தருணத்தில்
என் துக்கத்தின் வலி
பஞ்சாய் பறந்திட வேண்டும்...

எனக்காக பிறந்தவனே

2010-10-14T11:45:00.007+05:30

எனக்காக பிறந்தவனே

என்னுள் கலந்தவனே

கண்கள் உன்னை

கண்டதால் தானோ

என்னுள் நுழைந்தாய்...

என்னுள் நீ வந்ததால்தனோ

புதிதாய் பிறந்தேனோ

மரிக்காமல் ஜனனம் தந்தவனே

உன்னை மட்டுமே

நேசிக்கும்

என் இதயத்திற்கு

மூச்சு காற்றாய்

வந்து விடு ...

உன்னை நேசித்து

சுவாசிக்கும் வரத்தை

தந்து விடு....

உன்னோடு இருக்கும்

அழகிய தருணம்

அழகாய் தொடரவேண்டும்..

என் சந்தோசம்

முடியும் தருணம்

என் உயிர்

உன் மடிதனில்

பிரிந்திட வேண்டும்...

நீ நேசிக்க மறக்கும்

2010-08-05T17:06:00.004+05:30

நீ நேசிக்க மறக்கும்
என் இதயம் கேட்பாரின்றி
இன்று வீதியில்...

தள்ளி செல்கிறாய்
உனக்காக துடிக்கும்
இதயத்தின்
துடிப்பை அறியாமல்...

உன்னை நேசித்ததைபோல
எதையும் நேசிக்கவில்லை
நேசிப்பவை எல்லாம்
உன்னை போல இல்லை

என்னை நேசிக்கும்
எதையும் நேசிக்கும்
மனமும்
என்னிடம் இல்லை...

விதைத்து விட்டாய்...

2010-07-28T22:27:00.007+05:30

உன் கண்களுக்குள்
கைதியாய் நான்..

என்றைக்கு

விடுதலை செய்வாய்..

எனக்கும்

இடம்மாற்றம் வேண்டும்..
உன் கண்களில் இருந்து
இதயத்திற்கு நிரந்தரமாய்...

விடை சொல்லமுடியாத

கேள்வியாய்

நீ பார்க்கும் பார்வை

இருக்கும் பொழுது

என்னிடம் மட்டும்

என்ன பதிலை

எதிர் பார்க்கிறாய்??

ஒவ்வொரு முறையும்

உன்னருகில் ஊமையாய்

வார்த்தையின்றி தவிக்கிறேன்
என்னை தூக்கி எறிந்ததாய்

கருதவில்லை நான்..

என்னை உன்னுள்

விதைத்து விட்டாய்...

உன்னுள் நான் வளருவேன்

காதல் விருட்சமாய்...

உன்னில் தொலைத்த
என் நிஜத்தை
தேடுகிறேன்...
என் தேடலில்
கிடைப்பது எல்லாம்
தோல்வியே..

எனக்கே எனக்கு....

2010-07-23T17:22:00.008+05:30

கடந்த காலம்
கசப்பாய் கடந்து விட
நிகழ் காலம்...
நெருப்பாய் சுட்டுவிட
எதிர்காலம்...
கவலையில் கலங்கிவிட..
அனாதையாய் பல நாட்கள்
தனிமையில் சிதைந்து விட...

சொந்தமாய்
என் சொந்தமாய்
எதுமே இல்லாத போதும்...
தோல்வியில்
துவண்டு துடித்த
என்னை
தோள் கொடுத்து
தூக்கி நிறுத்தி...

ஆதரவாய் ஆறுதல்
வார்த்தை பேசி
என் கிறுக்கல்களையும்
ரசித்து....
என் உயிர் மூச்சில் கலந்து
இன்றும் என்னை நேசித்து
என் துயர் மாறாக செய்யும்
என் உறவே..
என் நட்பு
தோட்டத்துக்குள்
வந்து போகும் பறவையே..
உன் நட்பில் துயர் மறக்கிறேன்...
உன் சிரிப்பில்
என் கண்ணீரை மறைக்கிறேன்
துயர் துடைக்கும்
உன் கரங்களுக்கு
என் ஆயிரம் முத்தங்கள்..

என் நட்பே!!!
எனக்கும் மட்டும்
உன் அன்பை தந்துவிடு...
பாசத்தை பகிர்ந்து தருவது
அன்னையாக மட்டுமே
இருந்து போகட்டும்
உன் பாசம் எனக்கே எனக்கு
மட்டுமே வேண்டும்....

2010-07-20T01:31:00.002+05:30

காதலித்து பார்...

2010-07-14T18:12:00.003+05:30

காதலித்து பார்
கவிதை வரும்
காதலிப்பவர்களின் சொல்...
கவிதை எழுத மட்டுமே நினைத்தேன்
காதல் கொள்ளவில்லை..ஏனோ
கவிதை வராமல் போனது அன்று..
காதல் என்றால் வெறும்
கனவு உன்னை
காணாத வரை...
கண்டேன் உன்னை...
கண்டுகொண்டேன் என்
காதலை....
கனவு காதலானோ என்று
கண் விழித்து பார்த்தேன்
கண் முன்னே நீ..
கனவு அல்ல நிஜம்தான்...
கண்கள் காட்டிய முதல்
காதல் நீ...
கவிதை எழுத நினைக்கவில்லை...
காகிதம் கண்டவுடன் எழுதுவது எல்லாம்
கவிதையாகி போனது இன்று...
காதலர்களின் கூற்று உண்மை தானோ???
கள்ளம் இல்லா உன் அன்பு
காதல் கொள்ள செய்தது...
காதலிக்கிறேன் என்று தெரிந்தும்
காத்திருக்க வைத்தாய்...
காத்திருக்க வைப்பததால் உன்னை
காதலிக்க சொல்கிறது மனது...
காத்திருப்பது பிடிப்பது இல்லை முன்பு..
கால் கடுக்க
காத்திருந்தாலும் வெறுக்க வில்லை
காதல்...
காத்திருப்பது கூட சுகம் தானோ???
கண்ணோடு
கண் சேர்த்த என்
காதலனே.. கண்ணாளனே
கனவிலும் என் நினைவிலும்
காதலனாய் என்றும்
என் கண்ணாளனாய்
காலம் முழுக்க தொடரவேண்டும்
காதல் நம் காதல்...

உன்னோடு வாழ்ந்தால்...

2010-07-12T20:28:00.006+05:30

உன்னோடு வாழ்ந்தால்
அவ்வாழ்க்கை
மட்டும் தான் நிஜம்...

வாழ இயலா நிலை...
வாழ துடிக்கும் மனது....
தினமும் வாழ்கிறேன் கனவில்.......

தலையணை மந்திரம்
அறிந்தேன் நான்....
தலையணையாய் நீ!!!
தூங்க முடியாமல் நான்....
என்ன மந்திரம் போட்டாய்........

என் பெயரை
நொடிக்கு ஒரு முறை
நீ அழைக்கிறாய்.....
ஒவ்வொருமுறையும்
செத்து செத்து பிழைக்கிறேன்
உன் குரலின் வசியத்தால்...........

இதயம் கனக்கிறது
உன்னை தாங்க இயலவில்லை
என் இதயத்தால்....

நான் பேசும் வார்த்தைகளை
நீ ரசிப்பாய் என்றாய்
இப்போது வார்த்தை
தேடி அலைகிறேன்
வெட்கத்தால்....

மீண்டும் அவ்வார்த்தைகளை
பேச இயலாமல்...

உன்னை வந்து சேர.....

2010-07-12T20:23:00.004+05:30

தண்ணீர் ஊற்றி
வளர்க்கவில்லை
உன் மீது காதலை...

கண்ணீரில்
கரைந்து விடாமல்....
உன் நினவுகளை கொண்டு
நிஜமாய் வாழ்கிறேன்....
உன் காதலுக்காய்...

காதலை சொல்வதற்கு
தயக்கம் எனக்கு...
சொல்ல இயலவில்லை....
சொல்ல துணிவும் இல்லை
சொல்லி பயனும் இல்லை..

பூர்வ ஜென்மம்
பந்தம் போல
என்னை தொடரும்
உன் நினைவுகள்....

ஏதோ ஒரு வலி
உன்னை காணும் போது...
கிடைக்காது என்று தெரிந்தும்
நினைக்காமல்
இருக்க இயலவில்லை....

மறுபிறவி வேண்டுகிறேன்...
மீண்டும் பெண்ணாய் பிறக்க......
அப்போதாவது
என்னை ஏற்றுக் கொள்......

அணு அணுவாய்
ரசித்து வாழ வேண்டும்
உன்னோடு....
மறுபிறவி
கிடைக்கும் என்றால்...
நாளைக்கூட மரணிப்பேண்...
உன்னை வந்து சேர.....

தோள் சாய உன்...

2010-07-12T19:24:00.004+05:30

பாசத்துக்காய்
ஏங்கும் நெஞ்சம்
உயிர் மட்டும் இருக்க
உணர்வுகள்
செத்துப் போயின...

கதறி அழ
துடிக்கும் மனது
கண்ணீர் மட்டும்
வரவில்லை....

கனவிலும்
நினைக்காத நரகம்
இந்த தனிமை...
தனிமையில்
சந்தோஷமாய் இருந்தேன்
சில காலம்...

இன்று தனிமையின்
வெறுமை சுடுகின்றது
என் உள்ளத்தை....

இருட்டுக்குள் இருந்து
வெளிச்சம் நோக்கி
என் கரம்...
ஆறுதல் சொல்ல
நீ வேண்டும் ...
தலை கோதி...
நெற்றியில் முத்தம் இட்டு,
ஆறுதலாய் வறுட
உன் கரம் வேண்டும்...

தோள் சாய
உன் தோள் கொடு...
சிறிது நேரம்
என் துக்கம் மறந்து
தூங்கி கொள்கிறேன்..

நட்பால் மட்டுமே
உயிர் வாழ்கிறேன்...
நட்பே என்றும்
எனக்கு மட்டுமே
நட்பாய் இரு....

கற்பனை சந்தோஷம்....

2010-07-12T19:12:00.005+05:30

உன்னை நினைத்து
நிறைய எழுதி
வருகிறேன்
எல்லாவற்றிலும்
நீ அன்பாய் இருப்பது
போல தான்...

கற்பனையில் எல்லாம்
நிறைய அன்பு
கிடைக்கிறது
உன்னிடமிருந்து ...

ஆனந்த கண்ணீர் என்னிடம்....
பாசத்துக்கு
ஏங்கும் பறவையாய்
உன்னை சுற்றி என் மனம்....

கற்பனையில்
சந்தோஷம்...
வெறும் கற்பனையாகவே
முடிவதை
தாங்க முடிவது இல்லை
என்னால்

எல்லோருக்கும்
சந்தோஷம் கிடைக்கும்
வாழ்க்கையில் தானாம்.....
எனக்கும் வேண்டும்
சந்தோஷமான வாழ்க்கை
வேறு வாழ்க்கை அல்ல....

உன்னோடு மட்டுமே
உண்டாகும்
சந்தோஷ வாழ்க்கை......
அது வரை
என் கற்பனை
சந்தோஷம் தொடரும்......

2010-07-12T16:22:00.002+05:30

உனக்காக
வாழ பிடிக்கும்
உனக்காக மட்டுமே
வாழவும் பிடிக்கும்..

உன்னை மறந்து
வாழ இயலாது
என்னால்...

என்னுள் கலந்தவன் நீ
என்னை கரைய வைப்பவன் நீ...
என் மூச்சுக் காற்றில்
கலந்தவனே!!!
நீ பிரிந்து
என் மூச்சை
பிரித்து விடாதே...

நீ இல்லை என்றால்
என் மூச்சு இல்லை....
நானும் இல்லை....

என்னுள் ஏமாற்றம்...

2010-07-12T16:02:00.005+05:30

உன்னில் மாற்றம்
என்னுள் ஏமாற்றம்
இன்றும்
ஒரே மானநிலையில் நான்
நீ மட்டும் ஏன் மாறிவிட்டாய்???

பாசத்திற்கு அளவில்லை
அன்று...
பாசமே இல்லாததை போல
உணர்கிறேன் இன்று..

தனிமையில்
தவிப்பதாய் ஒரு கலக்கம்..
தினமும் தூங்க வைப்பாய்..
துயில் எழுப்ப மறப்பதும் இல்லை...
இன்று????
உனக்கு நேரம் இல்லையோ
என்னை நினைக்க கூட...
தினமும் எழும்புகிறேன்
ஏமாற்றத்தோடு...

அமைதியாய் இருந்தேன்
என்னுள் அமைதி இல்லை..
பேசுவதை கூட குறைத்து
மீண்டும் பாசத்தை தேடி
உள்ளம் பரித்தவிக்குது
உன்னால்...

எனக்கே எனக்கு என்று
உன்னை நினைத்தது தான்
என் பிழையோ???
யாரிடமும் விட்டு கொடுக்க
மனம் இல்லை..
என்னை மட்டும்
ஏன் விட்டாய் நீ???

பிரிவு எல்லோருக்கும் வரும்...
பின்னாளில் பிரியப் போவதற்கு
இந்நாளில் ஒத்திகை ஏன்???????

உன்னை மட்டும்..

2010-07-12T15:50:00.006+05:30

நெஞ்சுக்குள் ஏக்கத்தையும்
கண்ணுக்குள் காதலையும்
இதயத்தில் நெருக்கத்தையும்
என் சுவாசத்தில்
உன் வாசத்தையும்
உன் வசமாய் வாழும்
வாழ்க்கை போதும்..
உன் அன்பால் வாழும்
வாழ்க்கை போதும்...

நீ தூரமே இருந்தாலும்
என் இதயத்தில்
நெருக்கம் ஆனாய்..
என் இதயத்தை இறுக்கும்
உன் நினைவுகள்
இறுக்கமாகும் நினைவுகள்
இதமாய் போனது இன்று..

கண்ணில் வழியும் நீர்..
துடைக்கும் கைகளாய் நீ..
வேறென்ன வேண்டும்???
தூக்கத்தை கலைக்கும்
உன் கனவுகள்
தூங்க மறுக்கும் விழிகள்!!!

எல்லாவற்றையும்
எளிமையாக எடுத்துகொண்டேன்
உன்னை மட்டும்
என் மனதில்
வலிமையாக வைத்துகொண்டேன்

வலிமையின் வலியிலும்
வழி தவற வில்லை
உன் வழியில்
என் வழி
இணையும் வரை
காத்திருப்பேன்....

உனக்காக மட்டுமே
காத்திருப்பேன்...
கலங்கிய கண்களோடு...

மெய்யான சுகம்..

2010-07-12T15:44:00.003+05:30

"காதல் கவிதைகள்"
பைத்தியங்களின் உளறல்...
சிரித்து கேலி செய்தேன்...
முதன் முதலாய்
நானே பைத்தியமாய்
திரிந்தேன்..
உனக்காக கவிதை எழுத
நினைத்த போது...

என்னை நினைப்பதை
குறைத்தேன்
உன்னை நினைப்பதையே
ரசித்தேன்..
என்ன மாயம் செய்தாய் நீ...
விளங்க முடியாமல் நான்...

உன் மீது எனக்கு
உண்டான காதலை சொல்ல
இந்த ஆயுள் போதும் என்று
கருதவில்லை நான்...
என் ஆயுளை சேர்த்து
நீ வாழ்ந்து பார்
என் அன்பின் ஆழம்
நீ உணருவாய்....

என் உயிர் நீயாகி போனதால்
யாரிடமும்
சொல்ல முடியாமல் நான்..
நீ பேசிய வேளையில்
தொலைந்து போனது
எனது உயிர்..

தூங்கும் முன்
நினைத்து கொள்வேன்
என் வாழ்க்கை
யாரோடு என்று???
இன்று தூங்கும் போது
நினைக்கிறேன்
என் வாழ்க்கை உன்னோடு
மட்டும் தான் என்று...

இது வரை உணரவில்லை
உண்மை சந்தோசம் எதுவென்று???
உன்னோடு இருந்த
ஒவ்வொரு மணி துளிகளும்
உணர்த்தியது
உண்மை சந்தோஷம்
இது தான் என்று....

உன்னோடு பேசும்
நேரங்களில்
மணித்துளிகள் எல்லாம்
பனித்துளியாய் கரைகின்றன...
நீ இல்லாத பொழுதுகளில்
நேரம் போகாமல் என்னை
நிந்தனை செய்து துடிக்க
செய்கிறன...

காதலிக்கிறேன் என்று தெரிந்தும்
என்னை காக்க வைத்தாய்..
நீ காக்க வைப்பதாலேயே
உன்னை காதலிக்கிறேன் நான்...

முதன் முதலாய்
என் பெண்மையை
உணர்த்தியவன் நீ ...

மெய்யோடு மெய் சேர்வது
சுகம் இல்லை...
உண்மை காதலொடும்
உன்னோடு
உனக்காக
உனக்காக மட்டுமே
வாழும் சுகம் வேண்டும் எனக்கு...
அதுதான் மெய்யான சுகம்..

என் இதயம் உன்னிடத்தில்..

2010-07-12T15:31:00.005+05:30

என் காதலை
உணர்த்த சொல்லி
உனக்காக இதயத்தையும்,
விழிகளையும் வானையும்,
தென்றலையும் நிலவையும்
பறவைகளையும், பூக்களையும்
தூதுவிட்டேன்...

பூவானது வாடி வந்து
சொன்னது நீ
மறுத்து விட்டாய் என்று..

கலங்கி போய்
வந்தன கண்கள்..
உணர்ந்து கொண்டேன்..

வான் இருண்டு போனது
நீ துரத்திவிட்டதால்..
நிலவானது தேய்ந்து போனது
நீ பாராமுகமாய்
அனுப்பிவிட்டதால்..

எனக்கு காரணம்
சொல்ல தெரியாமல்
தென்றலோ திசை மாறி
சென்று விட்டது..
பறவையோ
சோகமாய் வந்தது..

இதயம் மட்டும்
தூதாய் போய்
இன்றும் வர மறுக்கிறது
ஒரு வேளை
என் இதயத்தை மட்டும்
வைத்து கொண்டு
எல்லாவற்றையும்
திருப்பி அனுப்பி விட்டாயோ!!!!

இதே நினைவில்
வாழ்கிறேன் நான்...
என் இதயம்
உன்னிடத்தில்
தஞ்சமாய் இருப்பதால்.....

எங்கே இருக்கிறாய்

2010-07-12T15:13:00.007+05:30

எங்கே இருக்கிறாய்
நீ..????

காணும் இடங்களில்
எல்லாம் உன் முகம்
மின்னலாய் வந்து
மறையும் மாயம் என்ன??

என் வீட்டைக் கடந்து
போகும் வாகனத்தின்
ஒளியைக் கேட்டு
ஓடி வந்து பார்த்து
ஏமாற்றம்...

மரக்கிளையில்
கொஞ்சி மகிழும்
பறவைகள்...
என் மனம்
பொறாமையில் தவிக்க..
சொல்ல முடியா வகையில்...
கோபம் உன் மேல்...

வேண்டாம் என்றேன்
என்னுள் வந்தாய்
வேண்டி நிற்கிறேன்
என் கண்ணை விட்டு
எங்கே மறந்தாய்...

கண்களை மூடினால்
ஒரு இருட்டு...
இருட்டினில் ஒளியாய்
உன் முகம்...

உன் முகம் பார்த்தே
தூங்கி கொண்டு இருக்கிறேன்
விடியல் பிடிக்கவில்லை..
உன்னை கண்ணில் இருந்து
விரட்டும் இவ்விடியல்
எனக்கு மட்டும் வேண்டாம்...

உனக்காக காத்திருக்கிறேன்..
உன் உயிரை கொண்டு
உன்னோடு வாழும்
வரம் வேண்டும்..

என் உயிரை தருகிறேன்...
உன்னோடு வாழ...
உன்னை மட்டும்
தந்து விடு எனக்கு...

என் இதயம்

2010-06-11T23:04:00.004+05:30

ஒவ்வொரு நாளும்
உன்னை நினைத்தே
என் நிமிடங்கள்
கரைகின்றது.....

உன்னோடு பேச
எண்ணி ஓயாமல்
உன் எண்களை அழுத்தி
கைபேசியில் அச்சுக்கள்
அழிந்தே விட்டன....
அழிந்து போனது
அச்சுக்கள்
மட்டுமே...

என் மனதில்
அழியாமல்
உன்னை சுமந்தே
தனிமையாய் செல்கிறது
என் நாட்கள்....

நொடிகள் நிமிடங்களாகி
நிமிடங்கள்
மணித்துளிகளாகி
நாட்கள் ஓடி
வருடம் கூடி
இன்னும் குறையவில்லை
உன் மீது எனக்கு
உண்டான காதல்....

என் இதயத்துடிப்பின்
ஓசையில்
உன் பெயர் ஒலிக்கும்....
ஒவ்வொரு துடிப்பிலும்
உன் பெயரை
முத்தமிட்டே
என் இதயம் உயிர் பெறும்

உன்னை மட்டுமே
நேசித்து
உனக்காக வாழும்
சுகம் போதும்....
உன்னை எதிர் பார்த்தே
வாழ்ந்திருப்பேன்
என் இறுதி வரையிலும்....

என் உயிரே!!!
சீக்கிரம் வந்துவிடு....
உன் மார்பில் முகம்
புதைத்து அழுது
என் துன்பம்
மறக்கவேண்டும்
ஆதரவாய் நீ
தலை கோதும்போது
என் ஆயுள் போகவேண்டும்...
உன் மடியினிலே
என் ஆயுள் போகவேண்டும்...

பாசத்தை தேடும்

2010-06-11T22:38:00.004+05:30

பாசத்தை தேடும்
மனது...
பழகிய போது
பாசம் தந்து
காயப்பட்ட மனதிற்கு
கனிவாய் பேசி
கவலை மறக்க செய்தாய்

பரிதவிக்கும்
மனதுக்கு பக்குவமாய்
ஆறுதல் அளித்தாய்...
இன்றும் ஆறுதலை
தேடி அலைகிறேன்...

பாசம் தர மறுத்தாலும்
தாங்கிக் கொள்வேன் ...
என்னை விட்டு
விலகி நின்று
உன்னால் நான்
புறக்கணிக்க படுவதை
தாங்கி கொள்ளும்
இதயம் என்னிடம் இல்லை...

எதையும் தாங்கும் இதயம்
எல்லோருக்கும் உண்டாம் ...
இதையும் தாங்கும்
இதயத்தை
எனக்கு மட்டும்
தந்துவிடு இறைவா....

காத்திருக்கிறேன்..

2010-06-10T18:30:00.002+05:30

2010-04-18T15:04:00.003+05:30

என் செல்லமே!!
கருவில் சுமக்கவில்லை
என் நெஞ்சத்தில்

சுமக்கிறேன்..

எனக்காக விட்டு சென்ற

ஓவியம் நீ!!
என் வாழ்கையின்-அர்த்தம் நீ!!
என் வாழ்வே நீயாகி போனாய்!!
உனக்காக வாழும்

வாழ்வே போதும் எனக்கு!!!

உன் புன்னகையில்
எங்கள் சோகம் மறந்தோம்..
கண்ணீரை மறக்கிறோம்...

என் செல்லமே!!
என்னையும்
அன்னையாய் ஆகினாய்
என் வாழ்கையின்

பொருளை மாற்றினாய்..
love you chellam..

ஏங்குது என் உள்ளம்...

2010-02-27T23:46:00.003+05:30

நாள் முழுதும் பேசினாலும்
தீருவது இல்லை ஆசை.....
தினமும் வெட்கப்பட்டு
இனி வெட்கம்
மறந்து விடுமோ?

உன்னை காணும் ஒரு நொடியில்
ஆயிரம் கனவுகள் என் கண்ணில்
கண்ணை திறந்தே கனவு காண
என்னால் மட்டுமே முடிகிறதோ....

செல்லமாய் கை உரசி போகும்
ஸ்பரிசம்...
இதமான பார்வை....
நெஞ்சில் என்றும் நீங்காத
உன் வார்த்தைகள்....
போதும் என் வாழ்நாள் முழுதும்.....

என் உயிரில் உறைந்த
உனக்காய் வாழ்வது
உயிரோடு சாவது போல் என்றாலும்
சுகமாய் போனது இன்று...

உடல் வருத்தம் வருகையில்
உன் கனிவு பார்வை...
செல்லமாய் நெற்றியில்
ஒரு முத்தம்.
மீண்டும் வேண்டும் உடல் வருத்தம்
ஏங்குது என் உள்ளம்...

நெருங்கி நீ வருகையில்
விலகி நான் செல்வதால்
நொறுங்கி போவதாக
நீ சொல்லும் சொல் கூட
ரசிக்கிறேன் நான்......

என்னை தேடும் உன்னை
தேட வைப்பதில் சுகம் என்பேன்...
என்னை காக்க வைப்பதில்
சுகம் என்பாய் நீ....
ஒருவரை ஒருவர் ரசிக்கிறோம்
ரகசியமாய்....

வாழ்நாள் முழுதும் வேண்டும்
தேடல், காத்தல், ரசித்தல்....
பேராசையாய் என் உள்ளம்....

கண்ணீரோடு வாழும்
காலம் வந்தாலும்
உன் நினைவுகள் போதும்
என் கண்ணீரை துடைக்க....

காத்திருப்பத்தின் அர்த்தத்தை..

2010-02-20T11:30:00.001+05:30

சந்தோஷம்
எல்லோருக்கும் வரும்
வசந்தம்...
காத்திருந்தேன்.....
வாசல் வரை வந்தும்
உள்ளே வரவில்லை..
எனக்குள்ளேயும் வரவில்லை....
கைக்கிட்டாதவை கணக்கில் இல்லை
கை சேர்ந்தது எதுவும் நிலை இல்லை....
தோல்விகள் புதிதும் இல்லை...
தோற்பததால் பயமும் இல்லை..
நம்பிக்கை மட்டுமே மனத்தில் கொண்டு
நடமாடும் ஜீவன் நான்...
காலம் பதில் சொல்லும்..
காத்திருப்பத்தின் அர்த்தத்தை.....

சொர்க்கமாய்..

2010-02-20T11:14:00.005+05:30

அழகான நிலவொளியில்
இதமான காற்று
நெஞ்சை வறுட
மெல்லிய ஒலியில்
அமுதமான பாடல் ஓலிக்க
என் அருகே நீ

என்னால் ரசிக்க முடியவில்லை
எதையும்..
என் பார்வை முழுவதும்
உன்னில் நிலை கொண்டு இருக்க
நிலவொளி கூட அந்நியமானது...

உன் அணைப்பில்
காற்றின் குளுமை
என்னை அனலாய் சுட்டது

என்ன மாயம் செய்தாய்
இயற்கைக்கு மாறாய்
எல்லாமே எனக்கு மட்டும்..
உன்னால் என்னை
சுற்றி நிகழும் நிகழ்வுகளை
மறக்கிறேன்
உன்னையே நினைக்கிறேன்

என்ன சாப்பிடாய் என்று
நீ கேட்கும் போது தான்
உணர்கிறேன் உன்னால்
நான் சாப்பிட மறந்ததை...

உம்ம்ம்மா என்று நீ
வார்த்தையால் கொடுக்கும்
முத்தத்தை பெறவே மீண்டும்
ஒரு ஆயுள் வேண்டுகிறேன்
சத்தம் இல்லாமல்
என்னை கொல்லும்
முத்தமோ??

உன்னால் சிரிக்கிறேன்
உன்னால் அழுகிறேன்
உன்னால் ஆறுதல் அடைகிறேன்
உன்னால் எல்லாம் உன்னால்
என் மனம் அலைந்து திரிவதும்
உன்னால்....

நரகமாய் சில நேரங்களில்
நினைத்தாலும்..
நரகத்திலும் என்னவன் நீ
என்னோடு இருந்தால்
நரகத்தை கூட ரசிப்பேன்
சொர்க்கமாய்..

வந்து விடு!!!
முள்ளில் தைத்து
ரணமான என் இதயத்தை
முள்ளால் எடுக்காதே
உன் முத்ததால் துடைத்து விடு
போதும்....

என் உள்ளத்தை தொட்ட

2010-02-20T11:06:00.003+05:30

கைகள் ஆயிரம் கவிதை
எழுதின...
என் உள்ளத்தை தொட்ட
ஒரே கவிதை நீ...

உன் கண்கள் வடிக்கும்
கண்ணீர் கூட ஒரு அழகான
கவிதை என்றாய்....

தினமும் இன்று
உன்னை பிரிந்து
கண்ணீர் வடிக்க வைத்து
விட்டாய்...

என் கன்னம் வருடி
உன் கை துடைக்கும்
தருணத்திற்காக
கண்ணீர் கூட
சுகம் தான் எனக்கு...

உன் கண்ணில்
என் கண்ணை காணும்
நொடிகளில்
என் கண்ணை நானே
காண முடியாமல் தவிக்கிறேன்...

உன் இமை மூடும் நொடியில்
உன்னை மட்டுமே
காண முடிகிறது என்னால்...
உன் பார்வையின் வலிமை
என் இதயம் வரை
துளைக்கிறது...

என்றாவது வந்து போகும்
மின்னலாய் உன் புன்னகை...
மின்னலை கொண்டு
படம் எடுக்க தூண்டும்..

எப்போதும் சிரிக்கும்
சிரிப்புக்கு அர்த்தம் இல்லை...
அழகும் இல்லை...

என் இதயம் இடம் மாறினாலும்
உன் இதயத்தோடு இருப்பதால்
நிம்மதி உறக்கம் எனக்கு...
உன்னை விட யாரால் முடியும்
என் இதயத்தை பத்திரமாக
பார்த்துக் கொள்ள...

இதயத்தின் வேலையை

2010-02-20T11:03:00.001+05:30

உன்னை நினைத்து துடிக்கும்
இதயத்திற்கு பல முறை
சொல்லிவிட்டேன்...
உன்னை நினைக்க வேண்டாம் என்று....

உன்னை மறக்க நினைத்தாலே
என் இதயம் துடிக்க மறக்கிறது...

இப்போதும் துடிக்கிறது இதயம்
உன்னை இழந்துவிடோமோ
என்ற பயத்தில்...

இதயத்தின் வேலையை
இருமடங்காக்கி விட்டாய்...
உன்னை நினைத்து,
உயிரும் வாழ வேண்டுமே???

எனக்குள் ஒரு மாற்றம்

2010-02-20T10:50:00.007+05:30

எனக்குள் ஒரு மாற்றம்
உன்னை பார்த்த கணத்தில்
என் நெஞ்சம் துடித்தது
எனக்காய் பிறந்தவன் நீயோ..

உன் பார்வையால்
கட்டி இழுத்தாய்...
இன்று வரை விடு பட
இயலவில்லை என்னால்...

நித்தம் உனை நினைத்தேன்..
நெருங்கி வரத் துடித்தேன்...
உன்னை நினைத்து
இதயம் துடித்து வாழ்பவள் நான்

சொல்லிவிட்டு போ..
உன்னை எண்ணி வாழும்
எனக்கு இல்லை..
உன்னை நினைத்து துடிக்கும்
இதயத்திற்கு....

உனக்காக துடித்து
எப்போது துடிக்க மறக்கும்
என்று தெரியாத நிலை....

கண்ணீரில் நான்..

2010-02-20T00:59:00.004+05:30

நேசத்தை நெஞ்சில் சுமந்து
ஏக்கத்தை கண்களில் தேக்கி
என் சொந்தமாய்
உன்னை நினைத்து
கவலைகள் மற(றை)க்கிறேன்

ஓலை குடிசையில்
வாழ்ந்தாலும்
உன் மார்பில் முகம் புதைத்து
உன் அரவணைப்பில்
கண் மூடி
தூங்கினால்
உலகமே என் அருகில்..
கர்வத்தோடு தூங்கும்
நிம்மதியான தூக்கம் வேண்டும்

பற்றி எரிந்து அணையும்
நெருப்பாய் மடிந்தாலும்
உனக்கான வெளிச்சம்
தருமேயாயின்
நெருப்பாய் மடிவேன்..

விழிகளில் வழிவது
கண்ணீர் இல்லை..
உன் மீது
எனக்கு இருக்கும்
காதல்..

தென்றலை பார்த்தவர்
உண்டோ??
என் காதல் தென்றலோடு
கலந்திருப்பதினால்
தானோ
நீ உணர மறுக்கிறாய்???

கைகளுக்கு சிக்குவதில்லை
தண்ணீர்...
தண்ணீராய் நீ..
கண்ணீரில் நான்..

என்னுள் வாழும் உனக்கு

2009-07-09T07:39:00.003+05:30

2009-06-18T19:19:00.000+05:30

2009-06-16T16:46:00.004+05:30

என்னுள் வாழும் உனக்கு....

2009-06-13T19:01:00.003+05:30

என்னுள் நீ...
என் இதயத்தில் நீ...
என் இதயத்தின் அறையில்
வாழ்ந்து என்னையும்
வாழவைக்கிறாய்.....

என் கண்களில் நீ...
என் கண்கள் மூட மறுக்கிறது...
உன்னை இருட்டுக்குள்
வாசம் பண்ண வைக்க
மனம் வராமல்....

என் சிந்தையில் நீ...
என் கற்பனை எல்லாம்
கவியமாய் மாற போவது
உன்னால்...உன்னால்...
உன்னால் மட்டுமே....

பேசி பழகிய நாட்கள்
எல்லாம் இன்னும்
என் நாள்குறிப்பில்
பத்திரமாய்......
உன்னோடு பேசாத நாட்கள்
எல்லாம் நான் வாழாத நாட்களாய்
என் இதயக்குறிப்பில்....
என்றென்றும்.....

நீ கண்களால் வரையும்
ஓவியம் எல்லாம்
எனக்கு மட்டும்
புரிய மறுக்கிறது...
நான் காண்பது
உன் கண்களை அல்ல...
உன் இதயத்தை.....
இதயமொழி பேசு
உணர்வேன் நான்....

என் கைகளில் நீ....
காவியமாய்.......
இல்லை இல்லை...
கவிதையாய் வாழ்கிறாய்...
என்னோடு...
என்றும் அழியாத
கவிதை நீ......

என் சுவாசமாய் நீ.....

2009-06-07T19:06:00.001+05:30

உன்னையே எண்ணினேன்
என்னையே மறந்தேன்.....
இலை மூடும் பனிப்போல்
என் பாசத்தை
எனக்குள்மூடினேன்...
சொல்ல வார்த்தைகள் இருந்தும்
சொல்ல இயலாமல் நான்....
பாறையில் பூக்கும் பூவாய்
என்னுள் ஒரு ஆனந்தம்......
தனிமையில் சிரிக்கிறேன்.....
உன்னையே தேடி
அலையும் நெஞ்சம்.....
மௌனம் என்னைவிட்டு
வெளியேறாமல் தவிக்கிறது.....
என்னை சுற்றி நிகழும்
நிஜங்கள் கூட நிழலாய்
என் முன் வலம் வருகிறது....
காற்றில் இருந்து
என் சுவாசத்தை
தனியே பிரித்துகொடு....
என் சுவாசமாய் நீ.....
நீ!! காற்றோடு கலப்பதை
தாங்கும் இதயம்
எனக்கு இல்லை!!!!!

2009-06-03T12:25:00.000+05:30

சிறை மீட்டிடு...

2009-05-26T18:30:00.002+05:30

நட்பு சிறையில்
சிக்கி தனிமையில்
தவிக்கின்றேன்...
நான்....
நான் நேசிக்கும்
அனைவரும் என்னை
நேசிக்க வேண்டும்
என்று-எதிர்பார்ப்பவள்...
நான்...
அந்த எதிர்பார்ப்பின்...
பலம் குறையும் போது
என் மனதின்
பாரம் அதிகரிக்கிறது
என்ன செய்வேன் தோழி!!!!!!

நட்புக்குள் பொய் இல்லை.
பொய் இருந்தால்...
அது நட்பே...
இல்லை....
விட்டுக் கொடுப்பது தான்
நட்பாம்....
நானும் விட்டுக் கொடுத்தேன்...
நட்பையே....
நட்புக்காக...
என்னை சிறை மீட்டிடு...
தோழி....
உன்னுடைய...........
உண்மையான...
நட்பால்......

நான் நானாக இல்லை...

2009-05-26T17:55:00.002+05:30

நான் நானாக இல்லை

என் நினைவலைகளில்

நீ இருப்பதால்.....

நான் நானாக இல்லை

என் கண்ணாய்

நீ இருப்பதால்...

நான் நானாக இல்லை

என் இதயமாய்

நீ இருப்பதால்...

நான் நானாக இல்லை

என் சுவாசமாய்

நீ இருப்பதால்.....

நான் நானாக இல்லை

என் அன்பே

என்று உணர்வாய்....

நீ வேறு

நான் வேறு

இல்லை....

என் வாழ்வே

நீதான் என்று....

சொல்லத்துடிக்கிறேன்...

2009-05-25T01:26:00.003+05:30

சொல்லத்துடிக்கிறேன்
ஆனால் சொல்ல
வார்த்தைகள் இல்லை
தமிழில் இத்தனை
வார்த்தைகள் இருந்தும்
என் காதலை
உன்னிடம் சொல்ல
வார்த்தை பஞ்சம்
என்னிடம்...

மலரின் வாழ்நாள்
ஒருநாள் தான்....
என்றாலும் அது
மணம் பரப்ப
தவறுவது இல்லை...
அது போல்தான்
நானும்....

நீ என் காதலை
ஏற்கவிட்டாலும்
என் நேசம்
என்றும்
உன் மீது தான்......

பிரியமானவனே....

2009-05-23T22:18:00.005+05:30

பிரியமானவனே....
பருவத்தின்
நாற்றங்கால்களில்
நாம் பிரியத்தின்
பயிராய் துளிர்த்தோம்....
ஆனால் யாருடைய
தோட்டத்திலோ
உன்னை பிடிங்கி
நட்டுவிட்டனர்......
முளைவிட்டு அரும்பி
இருப்பது நமக்கான
ஞாபகம் மட்டுமே!!!!!!

உன் அன்பான நட்பினால்....

2009-05-21T04:03:00.004+05:30

நட்பு...

சந்தோஷங்களையும்

சோகங்களையும் பகிர

கிடைப்பது அரிது...

நம்பிக்கைக்குரிய நட்பு,

உண்மையான நட்பு,

உயர்வான நட்பு...

அறிந்ததில்லை நான்...

ஆனாலும் நான் தேடுவது

உண்மையான நட்பை...

தோழியே..

உன்னிடம் நான்

எதிர்பார்ப்பதும் இதை தான்...

உணர்வாயா என் உணர்வை...

நட்புக்குள் எதிர்பார்ப்பு

இருக்க கூடாதாம்.. ஆனாலும்

நான் எதிர்பார்க்கிறேன்

என் தோழியே॥

நீ என்றும்

என் நட்பாய் இரு...

என் சந்தோஷத்தில் பகிரும்

நீ என் துயரத்திலும்

துணை வருவாயா???

ஏமாற்றம் அடைந்தேன்

எல்லா நட்பிலும்....

ஏற்றம் கொடுத்தாய்

உன் அன்பான நட்பினால்....

உன் அன்பு மட்டுமே உண்மை.....

உணர்த்தேன் நான்

இன்று அது தான்

ஏமாற்றத்தை கூட

ஏற்கும் சக்தி கொடுத்தது.....

உண்மையான நட்பு

இவ்வுலகில் இல்லையடி தோழி....

உணர்ந்தேன் நான் உணர்வாயா நீ...

என் கண்ணீர் துடைக்க

உன் விரல் போதும்

என் துயர் எல்லாம் தூரம் போகும்!!!!

சீக்கிரம் வந்திடு...!!

2009-05-21T01:55:00.008+05:30

மந்திர புன்னகை

உன்னிடம் கண்டேன்....

உன் சிரிப்பினில்

உலகம் மறந்தேன்....

துயர் எல்லாம் தூரம்

நீ என் அருகில்

இருந்தால்.....

உன் நினைவுகள் எல்லாம்

நீங்காத வடுக்காளாய்

என் நெஞ்சில்.....

அன்பே...!!

நீ உணர்வாயா

உன்னால்

நான் நிலைகுலைந்து

போனதை....

கண்டும் காணாமல்
நீ!!
உன்னை காணமுடியாமல்
நான்....
சூரியன் காணாத தாமரை
போல்ஆனேன்॥!!!
உன் நேசம் முழுதும்
எனக்கே சொந்தம்

அதை முழுசாய்

எனக்கே தந்திடு
சீக்கிரம் வந்திடு!!!!

உன்னை நினைத்து தனிமையில்!!!!!

2009-05-20T15:15:00.004+05:30

தனிமை நரகமாய்
இருந்தது முன்பு.........
தனிமை இனிமையானது
இன்று.....

இருளில் ஒளிரும்
மெழுகுவர்த்தி கூட
அழகு தான்....
இவற்றை எல்லாம்
ரசிக்க மறந்தேன்
எல்லாம் உன்னால் தான்....

உன்னை நினைத்து
தனிமையில் தவிப்பதை விட
உன்னை நினைத்து
கவிதை எழுத தொடங்கினேன்.....

இப்போது தான் இன்னும்
ஆழமாக நேசிப்பதாக
உணர்கிறேன்.....

உன்னை நினைத்து
எழுதி கொண்டே இருக்கிறேன்
முடிக்கவே மனம் இல்லை.....

நான் எழுதும்
எல்லா கவிதைகளிலும்
என் வார்த்தைகளில்
நீ வாழ்கிறாய்.....

நீ என்னை விட்டு
விலகியே இரு...
நான் இன்னும்
உன்னை அதிகமாக
நேசிக்க விரும்புகிறேன்.....

உன்னை முழுவதுமாக
என் கவிதைகளில்
நேசிக்கிறேன்...
அது என்றும் அழியாது....

நீ வரும் நாட்களுக்காக
ஆவலுடன் இருக்கிறேன்...
உன் "கவி" படைத்த
கவிதைகளை
நீ செய்ய போகும்
விமர்சனத்திர்காக....

உன் மீது
நான் கொண்ட காதல்
முடிவது இல்லை....
என் கவிதைகளை போல....

நினைவே கலையாதே!!!!!

2009-05-20T14:30:00.004+05:30

நித்தம் உந்தன்
நினைவுகள்.....
நினைக்க நினைக்க
நினைவுகள் சுடுகின்றன....

நிம்மதி இழந்தாலும்
நின் "மதி" கேட்ட
நினைவுகள்
நிலைத்து இன்னும்
நிற்கிறது....

நிஜமானது என் நேசம்
நிஜம் இல்லா பாசத்தை
நிஜம் என்று ஏமந்தேன்
நிஜம் எல்லாம்
நிழலாய் போனது....

நினைவுகளில் வாழும் எனக்கு
நினைவாய்,
நிஜமாய் நீ வேண்டும்
நினைக்க நீ மறந்தாலும்
நினைக்க தவறுவது இல்லை நான்....

நிந்தனை செய்யும்
நினைவுகளின் பாரம்
நீங்காத வடுவாய்
நிலை மாறாமல்
நிலைத்து மனம் துடிக்கிறது....

நினைவே கலையாதே!!!!!
நினைவுகள் மட்டுமே
நிஜம்....
நினைவை சுமப்பதே
நிஜம்...

கவிதை சிலை நீ.....

2009-05-20T13:58:00.002+05:30

உன்னை நினைத்து
நான் வடிக்கும்
கவிதை சிலை நீ.....

எழுத்து உளியால்
பார்த்து பார்த்து
வடித்த சிலை நீ.......

ஒருநாளும் சிதையாமல்
நான் பாதுகாக்கும்
பெட்டகம் நீ.....

ஓங்கி அடித்தால் உனக்கு
வலிக்குமோ என்று
என் வார்த்தை
உளீயை பார்த்து
பார்த்து செதுகுகிறேன்....

ஒவ்வொரு முறையும்
முடிவு பெறாத சிலையான
உன்னை மீண்டும்
ஒருமுறை வலம்
வந்து சரி பார்ப்பேன்.......

இதுவரை எனக்கு தெரியவில்லை
என்னில் என்ன பிழை......????

சிலையை முடிக்க
உன் சிலை கண்ணை
துறக்க நாள் பார்த்து வந்தேன்.......

நல்லநாள் என்று
கண்ணையும் துறந்தேன்.....

முழு சிலையும்
முடிவுப் பெற்ற
திருப்தியில் நான்...

உனை அழைத்து வந்து
காண்பிக்க எண்ணி
உன் கைபிடித்து வந்தேன்...

உன் கைப்பற்ற நினைத்து
உன் கையை தேடினேன்...

இன்றுவரை எனக்கு கிடைக்காத
தூரத்தில் நீ....
துயரத்தில் நான்....

நான் அழிந்தாலும்
உனக்காக நான்
வடித்த....
என் கவிதை
சிலை அழிவது இல்லை.....

கவியின் கவிதைகள்

மறந்து போவாயோ

என் வசம் இல்லை

இதயத்திற்கு நிரந்தரமாய்...

என் "கவி"தைகள் காத்திருக்கும்

உன் அருகாமையால்

பாசத்தை எதிர் நோக்கி

உன் ஒருவனுக்காகவே...

முத்தமொழிகள்

மரணத்திலும் மரிக்காத

கண்ணீர் சிந்த

உன்னை மறப்பதை

நீ எனக்கு தந்தஅழகிய நினைவுகள்..பேசி போன வார்த்தைகள்,எழுதிய கவிதைகள்,எல்லாமே எனக்காக..எனக்காக மட்டுமே..

எனக்காக அல்ல

கேள்விக்குறியாய் நான்....

சுவாசமாய் வருவாயா???

காதலோட வாழ

தவிக்கும் இதயத்துள்

பிரிந்த பின் என் பாசம்

சொர்க்கத்தில்...

என் நேசத்தை

எனக்காக பிறந்தவனே

நீ நேசிக்க மறக்கும்

விதைத்து விட்டாய்...

எனக்கே எனக்கு....

காதலித்து பார்...

உன்னோடு வாழ்ந்தால்...

உன்னை வந்து சேர.....

தோள் சாய உன்...

கற்பனை சந்தோஷம்....

என்னுள் ஏமாற்றம்...

உன்னை மட்டும்..

மெய்யான சுகம்..

என் இதயம் உன்னிடத்தில்..

எங்கே இருக்கிறாய்

என் இதயம்

பாசத்தை தேடும்

காத்திருக்கிறேன்..

ஏங்குது என் உள்ளம்...

காத்திருப்பத்தின் அர்த்தத்தை..

சொர்க்கமாய்..

என் உள்ளத்தை தொட்ட

இதயத்தின் வேலையை

எனக்குள் ஒரு மாற்றம்

கண்ணீரில் நான்..

என்னுள் வாழும் உனக்கு

என்னுள் வாழும் உனக்கு....

என் சுவாசமாய் நீ.....

சிறை மீட்டிடு...

நான் நானாக இல்லை...

சொல்லத்துடிக்கிறேன்...

பிரியமானவனே....

உன் அன்பான நட்பினால்....

சீக்கிரம் வந்திடு...!!

உன்னை நினைத்து தனிமையில்!!!!!

நினைவே கலையாதே!!!!!

கவிதை சிலை நீ.....

நீ எனக்கு தந்த
அழகிய நினைவுகள்..
பேசி போன வார்த்தைகள்,
எழுதிய கவிதைகள்,
எல்லாமே எனக்காக..
எனக்காக மட்டுமே..